Bonthuis maak gebruik van Just Click wat vir ons t.o.v. ons kurrikulum die beste rekenaargesteunde onderrig bied.

Ons Visie

Just Click beywer hom daartoe om 'n hoër persentasie individue te kweek wat emosioneel, intellektueel en tegnologies toegerus is, om 'n positiewe bydrae tot die land se maatskaplike en ekonomiese welvaart te maak.

Leerprogram

'n 3 Jaar leerprogram vir 4-6 jariges, met 120 lesse, wat verdeel is in 5 hoofafdelings nl:

• Persepsie
• Geheue
• Kreatiwiteit
• Logika
• Wiskunde ontwikkeling

Klem word gelê op emosionele vaardighede soos:

• Waaghouding
• Samewerking
• Doelwitstelling
• Selfvertroue
• Entoesiasme

Bevorder taakgerigtheid soos:

Konsentrasie Besluitneming Probleemoplossing Taakvoltooiing

Selfstandige werk Fyn waarneming Logiese redenasie Deursettingsvermoë

Werk Voorkomend

50 Verskillende vaardighede word voortdurend gestimuleer en ge-evalueer, om te veseker dat enige probleme – klein of groot – geïdentifiseer word en hulp vroegtydig verleen word. Leerders met 'n vinnige leertempo word aangemoedig om 'n hoër standaard te behaal en daardeur hul unieke potensiaal uit te bou.

Individuele Aandag

'n Maksimum van 5 leerders word per les geakkommodeer, wat individuele aandag verseker. Lesse word op 'n genotvolle wyse, in 'n opbouende, ontspanne atmosfeer aangebied, in die bekende omgewing van die skool.

Verslae

Verslae word 3 keer per jaar uitgereik, gebaseer op die evaluasie wat gedurende die kwartaal gedoen word. Terugvoering ten opsigte van die leerder se vordering en ontwikkeling word deurlopend aan die onderwysers deurgegee.