Inleiding

Sedert die stigting van Bonthuis op 1 April 1979, was ek as eienaar gedetermineerd om 'n omgewing te skep waarin kinderontwikkeling op 'n positiewe wyse kon floreer. Bonthuis, met die ondersteuning van puik personeel, het gevolglik bekend geword vir hoë akademiese standaarde gehandhaaf, asook vir die ontwikkeling van individuele talente met die kind se behoefte aan privaatheid en gerief as uitgangspunt; dit is ook die basis waarop toekomstige beplanning berus.

Die eienares Mev. Vonka Cloete is op 15 Oktober 2008 oorlede. Haar eggenoot, Mnr. Frans Cloete is die nuwe eienaar van Bonthuis Kleuterskool en Mev. Annette Lategan is aangestel as skool hoof.

Dit is ons strewe om aan al hierdie doelwitte te voldoen en om ook die beste moderne opvoedingsgeleenthede te bied.

Bonthuis is 'n Crèche cum Kleuterskool in Erasmusrand, Pretoria, wat voldag versorging aan babas en kleuters bied, vanaf drie maande tot Graad R.

Dit is ons oortuiging dat gesonde en gebalanseerde kinders, intellektuele, emosionele, sosiale en fisieke stimulering benodig deur alle fases van kinderontwikkeling in hulle opweg-wees-na-volwassenheid. Ons gekwalifiseerde en uitgesoekte personeel bied 'n gestruktureerde skoolgereedmakingsprogram aan, om aan hierdie vereistes te voldoen.

Kommunikasie tussen skool en u as ouers, is onontbeerlik. U kind se geluk en welsyn lê ons na aan die hart, en word te alle tye nagestreef. Neem die vrymoedigheid om enige onsekerheid met die skoolhoof of personeel te bespreek.

Wonderlike voordele wat u by BONTHUIS te wagte kan wees:

• Die kleuterskool is ruim, goed toegerus en baba-vriendelik.

• Die kleuterskool bestaan uit agt pragtige klaskamers wat goed beplan is en vindingryk benut word.
  
  

• Ons beskik oor twee groot speelterreine aangesien ons daarvan oortuig is dat spel en vryheid van beweging vir kinders noodsaaklik is. Gedurende die somermaande speel kinders onder skaduryke bome terwyl die speelterrein gedurende die wintermaande 'n sonnige omgewing bied.

• Elke ouderdomsgroep kinders word deur ten volle gekwalifiseerde onderwyseresse met jare lange ervaring onderrig; onderwyseresse is toegewyd om die volle potensiaal van elke kind as 'n unieke individu te ontwikkel en sodoende sy/haar bestaansreg te help vervul.

• Elke kind word op sy naam aangespreek deur alle lede van die personeel. Dit verseker dat elke kind belangrik en gekoester voel.

• Onderrig word in beide Engels en Afrikaans aangebied.

• Die benutting van 'n nagevorsde kurrikulum met spesifieke doeleindes vir verskillende ouderdomsgroepe:
  • 'n Geïntegreerde Britse en 2005 pre-primêre kurrikum word gebruik.
    Hierdie kurrikulum is getoets, nagevors en suksesvol geïmplementeer.
    Twee personeellede word op 'n twee-jaarlikse basis na die Verenigde Koningkryk gestuur waar gesaghebbende skole besoek word en wat as meetinstrument en monitor vir ons standaard en metodes dien.
    
    
• Implementering geskied op 'n gedifferensieerde basis en volgens ouderdomsgroepe.

• 
  Kunsonderrig word deur die onderskeie klasonderwyseresse anngebied. Blootstelling aan 'n verskeidenheid media dien as ontwikkeling en verfyning van denkeontplooiing, soos probleemoplossing en kreatiwiteit.

• Gedifferensieerde onderrig binne elke ouderdomsgroep verseker die nodige aandag en stimulering wat deur individue vereis word.

• Indien 'n kind remediërende onderrig benodig, word daar ook in hierdie behoefte voorsien. Sodoende verseker ons dat elke kind sy volle potensiaal ontwikkel en bereik.

• Bonthuis is gedurende die hele jaar oop. Bonthuis sluit gewoonlik 15 Desember tot 2 Januarie.

• Ons ure is soos volg: 06h30 tot 17h30, Maandag tot Vrydag.

• Twee gebalanseerde etes (oggend- en middag) word voorsien asook peuselhappies, vrugte en vrugtedrankies.

• Die veiligheid van ons kinders is van uiterste belang, daarom word gebruik gemaak van die heel beste sekuriteit asook van 'n voltydse wag.

• Fisioterapiedienste op die perseel aangebied:
  • Longbehandeling vir toestande soos asma, brongitis, boonste lugweg en
    respiratoriese infeksies.
  • Sinusitus

• Indien die ouers dit verlang, kan kinders aan bykomende buitemuurse aktiwiteite deelneem. Hierdie aktiwiteite word deur gekwalifiseerde, bekwame onderwysers aangebied met jare lange ondervinding:
  
  
  • Rekenaaronderrig
  • Musiekwaardering
  • Sokker
  • Ballet
  • Playball
  • Gholf
  • Kinder Kinetika